Ginkana, dantzak, kontzertuak, apar festa eta askoz gehiago eskainiko ditu Oiartzungo ikastolak bere urteko jaian. Ikasle, guraso eta herritar guztiak gonbidatuak daude.

Haurtzaro Ikastolan aurtengo Ikastolaren Eguna ekainaren 6 eta 7an ospatuko dugu, bi egunetako programa oparoa prestatuta. Dantzak, kirol ekintzak, bazkaria eta festa giroko jarduerak uztartuko ditu familia guztientzat.

Lehen eguna, ekainaren 6a, larunbata izango da, eta arratsaldeko 18:00etan hasiko da Dantza Taldearen emanaldiarekin, Elorsoro kiroldegian. Biharamunean, ekainaren 7an, goiz-goizetik hasiko da ekintza sorta luze bat.

Ekainaren 7ko egitaraua (laburpena)

08:00 Ginkana, LH3. mailatik gorako ikasleentzat

11:15Eskolaz Kanpoko Ekintzen emanaldia: bertsolariak, trikitilariak, gimnasia erritmikoa

12:00Ekitaldi ofiziala eta DBH4. mailako ikasleen agurra13:30Bazkaria pilotalekuan (haurrak eta helduak)

15:00 DJ saioa ikasleentzat

17:00Dantza Modernoko emanaldia eta Zumba irekia

18:30Apar festa (toalla eta uretako jantziak ekarri!)

19:00Zezensuzkoa

Egun osoan zehar taberna zerbitzua izango da eskuragarri, DBH3. mailako gurasoen eskutik antolatua. Gaztelu puzgarriak eta haurrentzako tailerrak ere egongo dira, eta arratsaldeko 18:00etan buruhandiek animatuko dute plaza.

Ikastolak aurten bereziki eskertu nahi ditu Xanistebanetako txozna batzordea, Eskuttun taldea eta Talde Berdea, ikastetxearen eguneroko bizitzan egindako laguntzagatik.