2016. urtean, Eusko Jaurlaritzak esleitutako Eskola Jasangarriaren ziurtagiria lehen aldiz jaso genuen. Aipatu agiriak lau ikasturteetarako iraupena duenez, pandemiak eragindako azken ikasturte berezi hauen ondoren, 2021-22ko ikasturtean zehar agiria lortzeko urtebeteko prozesua abiatu genuen.
Maiatzaren hasieran, prozesu honetan auto-ebaluazioaren galdetegia aztertu ondoren, eta auditoria-bisita egin eta gero, Natura Ondare eta Klima Aldaketaren zuzendaritzak, Ikaskuntzaren eta Hezkuntza Berrikuntzaren zuzendaritzak, eta Ingurugelak zoriondu gaituzte egindako lanagatik eta erakutsitako interesagatik. Hala, ziurtagiria berretsi dugu.
