EUSKALDUNA eta euskal kultura maite duena
Mitologia, misterioa, herri usadioa: Ihoteak gure ikastolan
Ihote jaien ospakizunarekin euskal kulturari presentzia eman, euskal inauteriak ezagutu eta gure herriari ekarpena egin nahi dugu Haurtzaro Ikastolan. Gure hezkuntza proiektuan txertatua dugun pertsona ereduaren bereizgarrietako bat euskalduntasuna da eta modu horretan ulertzen dugu, euskal kulturako ospakizunetan parte aktiboa izango duen pertsona heztea, eta modu horretan gure herriko usadiotik jaso dugun Ihoteekiko ezagutza, maitasuna eta zaintza komunitatean partekatzea. Hori guztia jaso nahi izan dugu mimo handiz sortutako ikus-entzunezko honetan
Eraldaketak jolasteko modu berriak ekarri ditu. Esperimentaziorako, imitaziorako, interakziorako, bizitzeko, egoteko eta aritzeko molde berriak. Argi dago gelan egiten diren balioen lanketa eta euskararen lanketa sustatu behar direla espaziorik espazio, barrualdean nahiz kanpoaldean.
Inauteriak gure ikastolan
Urteak dira Inauterietako eguna berezia denetik gure ikastolan. Urtero-urtero mimo handiz prestatzen ditugu mozorroak eta eguna bera. Goiz-goizetik herrian zeharreko desfilea egiten dugu, eta eguneko momenturik bereziena arratsaldean izaten da: gure komunitate osoari eskaintzen diogun emanaldia. Aurreko asteetan buru-belarri aritzen gara prestaketa lanetan, baita entseguetan ere. Egun horretan taldean osatzen dugun eskaintza ahalik eta ondoen egiteko, eta nola ez, prozesuan bertan gozatzeko.
