LH Lehen Hezkuntza: 6-12 urte

hIZAN marko berriaren ildotik aurrera urratsak eginez, LHn hedatzen ari den hEGIN egitasmoa garatzeko Kimu ikasmaterialarekin jarraitzen dugu derrigorrezko Lehen Hezkuntzako 1. 2. eta 3. mailan.

LH4. 5. eta 6. mailan, aldiz, EKI proiektuarekin jarraituko dugu. Proiektu horiek Lehen Hezkuntzaren oinarriak finkatzea dute helburu. Lehen Hezkuntza etapa zabala da (6-12 urte), eta barne dituen zikloek ekarpen propioa eginez eta beste etapekiko loturak koordinatuz, curriculum eskaintza bateratua eta koherentea eskaintzen du.

Lehen Hezkuntza etapa osoak honako ezaugarriak partekatzen ditu:

Haurra bere osotasunean hartzea

  • Gaitasunen garapenean oinarritua
  • Ikaskuntza esanguratsua eskaintzen duena eta ikasle aktiboaren bila dabilena
  • Haurraren etengabeko motibazioa bultzatzen duena
  • Aniztasuna errespetatzen duena
  • Balioen eta jarreren hezkuntzarekin konprometitua

Euskal Herri osorako egina izatea

  • Lurralde guztietako erreferentziak jasotzen dituena
  • Jatorriz euskaldun nahiz erdaldun diren haurrak euskaraz eta curriculum bateratuan hezteko proposamena
  • Curriculumaren euskal dimentsioari garrantzia ematen diona
  • Euskalduntasunetik abiatuta, kultura unibertsalerako bidea egiten duena

Diseinu bateratu eta eraginkorra izatea

  • Derrigorrezko Bigarren Hezkuntzarako curriculum deskribapen bateratua
  • Hezkuntza asmoak argi eta zuzen azaltzen dituena
  • Irakasleen berrikuntzaren eta trebakuntzaren bultzatzailea
  • Edukiak lantzeko era askotako euskarriak integratzen dituen proiektua

Zehar-lerro hauek garatzea

  • Sexu berdintasunerako hezkuntza eta hezkidetza
  • Giza eskubide, harreman eta bake hezkuntza
  • Osasun hezkuntza
  • Kontsumo hezkuntza
  • Komunikabide hezkuntza
  • Bide hezkuntza

Jarraitzen ditugun irizpide metodologikoak

  • Globalizazioa
  • Ikuspegi eraikitzailea
  • Ikaslearen kudeaketarako taldekatzeari eta elkarrekintzari buruzko deskribapenekin
  • Denboraren, espazioaren eta baliabideen ustiaketarako orientabideekin
  • Gurasoekiko harremanak bideratzeko proposamenekin

Etapa honetan ikaslearen garapena eta ongizatea lortzeko bizitzen dugun testuinguruari garrantzia handia ematen diogu. Honela planifikatzen ditugu:

  • Barne eta kanpoko espazioaren antolaketa eta erabilera: gelen antolaketa, sarrera-irteerak, jolaslekuaren antolaketa, ikastola eremutik kanpoko espazioak, ekintza osagarriak.
  • Haurrak behar duen segurtasun afektiboa bermatzea: sentimenduak jasotzea eta ulertzea, irakaslearen begirada, seguru sentitzea, autoestimua.
  • Bazkaltzeko lekua eta momentua: irakasle eta begiralearen artean etengabeko koordinazioaren bidez.
  • Irakasleen arteko lanaren koordinazioa.
  • Gurasoekin harremana, elkarlana.

Ebaluazioa

Etapa honetan hiru informe idatzi jasotzen ditu familia bakoitzak, ebaluazio bakoitzeko bat. Lehenengo informe idatzia jaso ondoren bakarkako guraso bilerak egiten ditugu: gurasoekin biltzen gara bakarka, aurreko ebaluazioari buruzko hausnarketa egiteko eta hurrengorako jarraibideak eta konpromisoak hitzartzeko. Beharren baitan ikasturtean zehar bilera gehiago egiten ditugu.

Ebaluazioaren bitartez ikaslearen prozesuaren jarraipena egiten dugu. Ikasleen ebaluazioa banakakoa, jarraitua eta globala da. Ikasleen konpetentziak ebaluatzeko prozesuan, eguneroko behaketaz eta jarraipenaz gain, ebaluazio garaiak zehaztuta daude, irakasle taldeak, aholkulariak eta ikasketaburuak  ikaslearen ibilbidearen balorazioa egiteko.

Aurtengo ikasturtean ebaluazio markoaren lanketarekin jarraitzen dugu. Helburua denez ebaluazioa ikasketa-prozesuan integratzea eta konpetentzien ebaluazioa bideratzea, Euskal Herriko Ikastolek eskainitako marko teorikoa oinarri hartuz, Haurtzaro Ikastolako LHko ebaluazio markoaren diseinuan eta aplikazioan lanean ari gara.

LHko tutoreak