Liburutegia

Aurreko ikasturtetan Liburu Txokoa erabiltzeko aukera zegoen, baina egoera  berri honen aurrean ezin izango da erabili.

Kontsultarako eta lanerako zerbitzua ikasleentzat

IKT garapenak paperezko entziklopedietatik Internet guneetara aldatu du kontsultak eta bilaketak egiteko joera. Aldaketa horri erantzuteko, jantokiko areto nagusia wifi seinale egokiz hornitu dugu, eta aretoa egunero irekitzen diegu ikasleei. Ikasleek beren ordenagailuak baliatuz kontsultak eta lanak egin ditzakete jolasgaraietan eta bazkal ondorengo eguerdiko tarteetan. Informatika gela ere erabil dezakete jolasgaraietan.

Zerbitzu horiek DBHko ikasleei eskaintzen dizkiegu, eta ikasleekin batera arduradunen bat egongo da beti.

LH3tik LH6ra arteko ikasleentzat jantokian egokitu da lanetarako lekua, bazkal ondoren lanerako espazio bat izan dezaten.

Familientzako zerbitzua

Liburutegi nagusia da eguneroko jarduerak egiteko ikastolak eskaintzen duen beste baliabideetako bat. Bertan, ikasleek, irakaslearekin batera, zenbait kontsulta edo lan egin ahal izango dute, modu eroso eta egokian; baita familiek ere. Familiek aurrez ezarritako ordutegian, liburutegia erabiltzeko aukera izango dute; eta bertako liburuak, ordenagailuak eta wifi sarea eskuragarri izango dituzte.

Irakurzaletasuna piztea da helburua; txiki-txikitatik liburu artean ohitu, liburuekin jostatu eta gozatu.

Adinean aurrera egin ahala, zaletasun hori elikatu eta indartu nahi dugu; irakurketaren afizioa ohitura bihurtuz, ibilian-ibilian, Liburu Txokoan gozatzera heltzeraino.

Liburua altxor preziatua da, hezkuntza integralerako oinarrizko zutabea.