Haurtzaro Ikastolaren barne komunikaziorako buletina. Ikusi mezu hau zure nabigatzailean

27
zenbakia

2026ko martxoaren 18a

Social Group Education Presentation In Colorful Illustrated Style (2)

1.- Arrazakeriaren eta xenofobiaren aurkako eguna

Martxoaren 21a arrazakeriaren eta xenofobiaren aurkako nazioarteko eguna da eta aurten ere gure agenda morearen barneko lanketan garrantzia berezia eman nahi izan diogu, justizia soziala gure bizikidetzaren proiektuaren oinarrietako bat dela sinesten baitugu. Egunerokoan ditugun jarrerez eta aurreiritziez ohartzea eta gurean beso-zabalik edonor jasotzeko eta zaintzeko zein erronka ditugun pentsatzea izan da lanketaren helburu nagusia. Etxeetan ere gaiari buruz hitz egitea eta elkarrekin hausnartzea interesgarria da, denok baitugu zer pentsatu, zer egin eta zer eragin komunitatean.

Gure ikastolako komunitatea, gure herria bezalaxe, harrera ikastola dela gogoratu dugu egun hauetan, eta horrela jarraituko dugu hemendik aurrera ere, denok baikara gure ikastolan ongi etorriak!

2.- KORRIKA

Haurtzaro eta Oiartzo Ikastolako kilometroa

Oiartzunera martxoaren 24an, astearte goizaldean, 02:51:54tan iritsiko da (astelehenetik asteartera) eta gure kilometroa 1295. izango da. Udaleko ordezkariek pasako digute lekukoa Gurutze bidea 2, Ollarriarre etxearen parean goizaldeko 3:42:43etan.

Animatu eta egin dezagun korri elkarrekin!

Martxoak 23: Haurtzaro Ikastolako Korrika egunaren egitaraua:

IKUSI: "Herri hau euskaratik egin nahi dugulako"

Euskara ez da hizkuntza bat gehiago, herria egiteko modua da guretzat, gure balioetan oinarritutako herria.

Horren lekuko Ikastolak: 7 probintzietan herria euskaratik egitea helburu dugun proiektu pedagogikoak. Ikastolen bihotzean euskara dugu, gure izaeraren ardatz.

Gure egunerokoa euskaraz bizi dugu eta hori horrela izaten mantendu dezagun, gazteen ekintzailetza eta euskara uztartzen dituen proiektua dugu ikastolan: Eskuttun euskara taldea. Ekintzailetza eta euskara bi bide izatetik, elkar indartzen duten zutabe dira Eskuttunen. Hizkuntza batek komunitatea sortzen duenean, komunitate horrek herria eraikitzen du.

Eta herri hau euskaratik egin nahi dugu, euskaratik egiten ez badugu, izango al da bada herririk?

IKUSI ETA GOZATU!