Haurtzaro Ikastolaren barne komunikaziorako buletina. Ikusi mezu hau zure nabigatzailean

18.
zenbakia

2024ko urtarrilaren 19a

Berri Orokorrak

1. Burrunbaaa! Ihoteei deia

Otsailaren 2, 3 eta 4an ospatuko ditugu herriko inauteriak, Ihoteak. Ikastolak antolatuko duen ekitaldia BURRUNBAAA! IHOTEEI DEIA izango da. Aurten ere ikasleok, gurasook eta langileok parte hartzea da gure helburua.

Hasi zaitezte zakuak eta txapelak prestatzen! Ihotik badatoz eta! Ikasleak has daitezke beraien jantziak ikastolara ekartzen eta, horrez gain, poltsa batean sartutako egunkari bat ere ekarri beharko dute.

Ikastolan ohikoa dugun moduan ostiralean, otsailaren 2an, Ihoteen etorrera aurreko festa ospatuko dugu: egun osoz HHkoek eta LHkoek eta DBHkoek goizean zehar!

Honetarako eskatzen dizuegu etxetik tresnak ekartzea.

Tresnak: Ondorengoak izan daitezke: panderoa, marakak (plastikozko botilak lekale/arrazorekin), zintzarriak, zartagina eta koilara, klabea (bi makil) edota metalezko/plastikozko danborra (pintura/cola cao potoak).

Eta Burrunbari dagokion antolaketan, jakin beharrekoak:

Entsegua: otsailaren 2an ikastolako anfiteatroan, 16:40an, ikasleentzat, gurasoentzat eta langileentzat.
Txokolate-jatea eskainiko dugu herriko plazan otsailaren 2an, 18:00etan eta gurasoen laguntza beharko dugu txokolatea zerbitzatzeko. Animatzen zaretenak 17:15ean Fermiñene inguruan elkartuko zarete arduradunekin. 19:00ak arte beharko dugu zuen laguntza. Prest dagoenak ondorengo inprimakian eman dezake izena: https://goo.gl/forms/BBluRpz3pjzPFx5V2. Beharrezkoak diren izen-emateak osatzean, inprimakia itxi egingo dugu.

OHARRA: otsailaren 2an arratsaldez eta 3an goizez, Ihote festa dela eta, eskolaz kanpoko ekintza guztiak bertan behera geratuko dira.

Anima zaitezte! Ikasleek, gurasoek eta langileek elkarrekin primeran pasatuko dugu.

2. Otsailak 9, jantokiko ohar garrantzitsua

Inauterietako jaialdia ospatuko dugu otsailaren 9an. Egun berezia izanik eta jantokiaren antolaketan eragina duenez, ALDAKETARIK egin behar baduzue, dagokion epearen barruan egin, mesedez.

DBHko ikasleen ordutegia 10:00-12:00/14:30-16:30 izango da. 13:15ean bazkalduko dute. 12:00-13:15 bitartean zaintza izango dute.

ALDAKETAK. BAJAK edo ALTAK INPRIMAKI bidez egin behar dituzue: https://forms.gle/mNZXXqjYG6Q5FeS18. Horretarako epea, otsailarean 2an amaituko da, 17:30ean.

Ondoren adierazitako bajak kobratu egingo ditugu.

Mesedez, arreta berezia eskatzen dizuegu gai honekin, jantokiko zerbitzuaren antolaketarako ezinbestekoa baitzaigu ahalik eta informazio zuzenena jsotzea.

3. Txinpart! aldizkariaren 80. zenbakia

Atera dugu Txinpart! Haurtzaroko aldizkariaren 80. zenbakia.

Haurtzaro Ikastolaren webgunean eskura duzue: https://haurtzaroikastola.eus/txinpart/.

Apartekoak

1. Zaku tailerra, bihar, ikastolan

Oiartzungo Ihotik ate joka ditugun honetan, hainbat eragilek lantegi proposamenak egin nahi dizkizuete:

Bihar, urtarrilak 20, larunbata, 16:30-19:00. Zaku tailerra, Haurtzaroko jantokian. Oihalak, zakuak, pastorratzak norberak ekartzea komeni da.
Urtarrilak 27, larunbata, 16:30-19:00. Dantza ikastaroa, Udaletxeko Pleno aretoan.

Eragile parte-hartzaileak: Helta, Abaraxka, Topalekua, Olarri, Ihoteak, Soinuenea, Zaintzadi eta Biyurrienea.

2. Ez da nahikoa haiek maitatzea hitzaldia

Hitzaldi atsegin bat da, etxeetako eta ikasgeletako bizikidetza hobetzeko jendarte- eta hezkuntza-tresnei buruzkoa, eta gai horri buruzko kezkak dituzten familiei/tutoreei/hezitzaileei zuzenduta dago.

Hizlaria Antonio Chamorro da, jendarte-hezitzailea, pedagogoa, prestatzailea eta Andaluziako adingabeen hezitzaile nagusia. Hizkuntza gaztelania izango da.

Datorren asteazkenean, urtarrilak 24, arratsaldeko 18:00etan izango da Errenteria-Oreretako REINA ARETOAN (Xenpelar kalea, 3). Sarrera librea da lekua bete arte.