Haurtzaro Ikastolaren barne komunikaziorako buletina. Ikusi mezu hau zure nabigatzailean
logoa

14.
zenbakia



2023ko abenduaren 7a

Berri Orokorrak

1. Guraso Ordezkarien bilera: abenduak 11

Guraso Ordezkarien bilera egingo dute abenduaren 11an, astelehena, 17:00etan, jantokiko goiko solairuan.

Gogoratu bilera irekiak direla eta guraso guztiak gonbidatuta zaudetela.

2. Batzar Nagusia: abenduak 13, asteazkena

Gogoratu ikasturteko Ohiko Batzar Nagusia abenduaren 13an, asteazkena, izango dela.

3. Abenduaren 15ean, Ate Irekiak

Datorren ostiralean, abenduak 15, Ate Irekiak izango ditugu Haurtzaro Ikastolan, gure proiektu pedagogikoa ezagutu nahi duten familientzat.

Hauek dira ordutegiak:
  • Goizean: 10:00etan eta 11:00etan.
  • Arratsaldean: 14:45ean eta 15:30ean.
Izena emateko, deitu 943 491 659 telefono zenbakira edo idatzi idazkaritza@haurtzaro.ikastola.eus helbidera. Gonbidatuta zaudete. Espero zaituztegu!

4. Galdutako arropa

Ikasleek ahazten duten arropa sarrera nagusian dagoen pertxeroan zintzilikatzen dugu. Hiruhileko honetan asko pilatu da.

Galdu duenaren ardura da bertan begiratzea, eta galdutako arropa egongo balitz, zuzenean hartzea. Arropa dezente pilatzen denez, oporraldi bakoitzean jaso egiten dugu. Beraz, abenduaren 19an bertatik kenduko dugu.

Aurkitzen ditugun gainontzekoak idazkaritzan jasotzen ditugu; bertan galde dezakezue zerbait galdu baduzue.

5. Guraso musikariak, Gabon egunerako

Ikastolako Hezkuntza proiektuan hain garrantzitsuak diren ekintza osagarrietan parte hartzeko gonbidapena egitearekin batera, gurekin kantatzera eta musika jotzera animatu nahi zaituztegu. Ekintza horiek aberasteko, musikariak behar ditugu. Horregatik, etxeko musikari edo gertuko den edonoren laguntza ezinbestekoa izango da guretzat.

Gabon egunean, abenduaren 24an, goizez ikastolako hainbat ikasle talderekin abesten ateratzeko trikitilariak, pandero joleak, txistulariak, atabalariak, albokariak... behar ditugu. Animatu eta eman izena abenduaren 12a baino lehen: https://labur.eus/OKWv1
footerra
facebook instagram twitter youtube website