|
|
|
|
4.
zenbakia
2024ko irailaren 27a
|
|
|
|
|
Berri Orokorrak
1. Kilometroak, urriaren 6rako autobusa
Urriaren 6an, igandea, Azpeitian, Kilometroak ospatuko dute, Izpiz izpi lelopean. Haurtzaro Ikastolatik bertara joateko dei berezia egiten dizuegu, hala, bertaratzeko autobus zerbitzua antolatuko dugu.
|
Autobusa ikastolako aparkalekutik goizeko 09:00etan aterako da eta Azpeitiatik arratsaldeko 19:00etan irtengo da. Autobuseko txartela idazkaritzan eros dezakezue: urriaren 3a, osteguna, izango da azken eguna. Txartelaren prezioa 10 eurokoa da.
|
|
Ikastolen festa honen helburua, ikastola zaleok elkarrekin euskararen eta ikastolen alde, festa giroan, eguna igarotzea da. Helburu hori bete dadin autobusez bertaratuko diren gaztetxoen gurasoen kolaborazioa ezinbestekoa dugu gai horretan, beraz gurasoei arduraz jokatzea eskatzen dizuegu. Ikastolak autobusa antolatzen badu ere, ez da adingabekoek bertan izan dezaketen jokabideaz arduradun egingo.
|
|
2. Bizikidetza Eguna: irailak 30, astelehena
Irailaren 30ean, astelehenean, ikastolak Bizikidetza Eguna ospatuko du. Portaera egoki eta osasuntsuaren sustapenerako 14 printzipioen lanketari hasiera emango diogu komunitatean. Goizean zehar hainbat lanketa eta ekintza egingo ditugu gelakideekin, baita beste maila batzuetako kideekin ere eta, ondoren, 11:15ean anfiteatroan elkartuko gara ekintza kolektibo batekin goiza amaitzeko. Astelehenean ikasleek kolore hauetako kamisetak ekarri beharko dituzte:
|
- Horia: HH3
- Urdina: HH4 eta LH6
- Gorria: LH3 eta LH5
- Morea: LH1 eta DBH1
- Berdea: LH2-DBH2
- Beltza: LH4-DBH3
- Zuria: HH5 eta DBH4
|
Egun ederra pasatuko dugu!
|
|
3. Bihar, DBH4koen azoka, Ugaldetxon
|
DBH4. mailako ikasleen bigarren eskuko azoka, bihar larunbata, irailak 28, Ugaldetxon, 10:etatik 14:00etara. Animatu!
|
|
4. Jolasleku berriaz oharra
Uda luzean itxita egon den jolaslekua datorren astean irekiko dugu. Ahalegin handia izan da guztiontzat bertan egindako lana, horregatik, arduraz joka dezagun eskatzera gatoz: zaindu ditzagun bertako arauak, zaindu ditzagun oraindik hesituta behar duten berdeguneak, txukuntasunez jokatu.
|
|
Aukera handia da hesirik gabeko jolas eremua izatea, GOZA DEZAGUN AUKERAZ!
|
|
5. Dagoeneko 678 bazkide gara Haurtzaron!
|
Haurtzaro Ikastolako kooperatiba integralean dagoeneko 678 bazkide gara: 512 bazkide onuradun (familia), 93 lan-bazkide (langile) eta 73 bazkide ez-aktibo.
|
Horrez gain, badago gure kooperatibaren laguntzaile izaterik ere. Animatu!
|
|
6. Kilometroetarako boluntarioak behar dituzte
|
Zatoz elkarlanean aritzera eta gozatzera! Elkarrekin eta elkarrentzako!
|
|
Eskolaz Kanpoko Ekintzak
1. Eskolaz Kanpoko ekintzen hasiera: urriak 1
- Eguerditako ekintzak: 13:00etan elkartuko dira ikastolako frontoian.
- Arratsaldeko ekintzak: frontoian elkartuko dira.
- Atletismokoak, berriz, anfiteatroan.
- Eskulanak: LH1 eta LH3. mailetan plaza baino ikasle gehiago daude izena emanda. Kanpoan gelditu diren familiei astelehenean jakinaraziko diegu.
- Mekanografia: taldea erabat osaturik ez dagoenez, oraindik izena emateko aukera dago. Beraz, aurrerago hasiko gara saioekin, jakinaraziko diezuegu noiz.
- Robotika: LH4koek eta LH6koek arduradunen mezua jaso duzue. Gogoratu aldaketak daudela ordutegietan.
- Eskola Kirola: larunbateko jardunaldien egutegia webgunean duzue.
|
|
|
Apartekoak
1. Ikusi-Mikusi azoka, urriaren 11n eta 12an, Saran
Urriaren 11n eta 12an, Saran, Ikusi Mikusi azokaren laugarren edizioa egingo dute. Euskarazko haur eta gazte literatura ardatz duen azoka bakarra da Ikusi Mikusi, Bidasoaz beste aldean antolatzen duena Galtzagorri Elkarteak, Mari Gorri elkartearekin eta Pamiela argitaletxearekin batera. Aurtengo edizioaren gaia Gure baitan ditugun altxorrak da, eta antolatu dituzten tailer eta ikuskizun batean baino gehiagotan agertuko da.
|
Iaz bezala aurten ere azokaren lehen eguna, urriak 11 ostirala, Eskolen Eguna izango da. Izena eman duten ikastetxeetako ikasleak ikaskideekin eta irakasleekin joango dira, eta ikuskizunak, jolasak, sormen-tailerrak, beren lanen aurkezpenak eta idazleekin topaketak egiteko aukera izango dute, besteak beste. Liburu-azokaz gozatzeko paradaz harago, ikasle bakoitzak bere liburua eskuratu ahal izango du aurten jarraipena izango duen bonu-sistemari esker. Euskal Herri osotik 1.100 ikasle joango dira azokara, literaturaz gozatzera.
|
Urriaren 11n, ikastetxeei eskainitako egunean, euskal haur eta gazte literaturaren profesionalei egun osoko egitaraua eskainiko diete. EHU, EKE eta BILKETArekin elkarlanean haur eta gazte literaturaren berezitasunak eta erronkak, alderdi profesionaletik, ulertzeko eguna izango da.
|
Urriaren 12an, larunbata, Familien Eguna ospatuko dute. Aurreko egunean bezala, bisitariek tailerrak, topaketak eta ikuskizunak izango dituzte aukeran.
|
Ekintza horiez guztiez gain, bi egunetan argitaletxeek standak jarriko dituzte, eskoletan egindako lanen erakusketa ikusgai izango da, Kilika konpainiaren txotxongilo erraldoiak, Ttipittoen xokoa eta liburu aurkezpenak egongo dira.
|
|
Animatu Sarara literaturaz gozatzera!
|
|
|
|
2. Abaraxkako izen-ematea, zabalik
Udako oporretan deskantsatu eta indarberritu ondoren, Abaraxka ludotekak berriro irekiko ditu ateak urriaren 1ean, asteartean.
|
Abaraxka 24/25 ikasturtean izena emateko epea zabalik duzue.
|
|
|
|
3. Bihotz Berdeak programa
Aranzadi Zientzia Elkarteak Bihotz Berdeak programaren berri eman du. 12-15 urteko gazteei zuzendutako programa da, gure planeta beste begiekin deskubritzeko aukera bikaina, Aranzadi eta beste natur erakundeko adituen laguntzari esker.
|
Urritik ekainera, hilean behin igande goizetan eta aditu bat bidelagun, natur zaletasuna asetzeko aukera: ornitologia, arkeologia, herpetologia, ilustrazioa zientifikoa… eta askoz ere gehiago landuko dira Gipuzkoako eremu natural ezberdinak bisitatuz, eta horrez gain, asteburu pasa bat egingo da naturaren erdian!
|
|
|
|
4. Sorkuntza tailerra, Ehuntze Espazioan
Oiartzungo Ehuntze sormen espazioan haurrentzako eta gazteentzako tailerrak eskaintzen ditu Idoia Beratarbide Arrietak. Tailer horien oinarria pintura, marrazketa eta bolumena dira.
|
- 6 urtetik aurrerako haurrentzako taldeak:
- Astearteak: 16:45-18:15
- Asteazkenak: 16:45-18:15
- 12 urtetik gorako gazteentzako taldea:
- Ikasturte hasiera: urriak 1, asteartea
- Izena emateko: 652 701 553 / iberatarbide@hotmail.com. Edo ManueL Lekuona Etorbidea 10, behea.
|
|
|
|
|
|
|
|
